Kəsik Yeri Yırtıqları

Əməliyyat zamanı istifadə edilən materialların və ya cərrahi metodun səhv seçilməsi və səhv tətbiqi həkimə aid olan səbəblərdir. Xəstəyə aid olan səbəblər isə diabet, anemiya, xronik ürək xəstəliyi, xronik ağciyər xəstəliyi, qidalanma pozğunluğu, kollagen toxuması xəstəliyi və xərçəng kimi sistemli xəstəliklər ilə yaraların sağalmasını pozan dərman istifadəsidir. Səbəb ne olursa olsun, kəsik yeri yırtıqları, əvvəlki problemin davam etmesi düşünülməlidir və ən etibarlı və ən mükəmməl şəkildə bərpa edilməlidir. Əks halda, xəstəlik asanlıqla yenidən baş qaldıra bilər.

Kəsik yeri yırtıqları qısa müddət ərzində çox böyük ölçülərə çata bilər: qarın divarındakı yırtığın ölçüsünə görə dəyişməklə birlikdə, texniki olaraq ən çətin yırtıqlardır. Bu çətinliyin səbəbi, çox böyük yırtıqlarda, məsələn diametri 15-20 sm-ə çatan qarın divarı yırtıqlarında, qarnın pərdəsini qarşı-qarşıya gətirib tikmək və bağlamaq mümkün olmaya bilər, çünki dərinin altında kifayət qədər yumşaq toxuma qalmamışdır. Böyük kəsik yeri yırtıqlarında kompozit yamaqlardan istifadə edilməlidir.

Kompozit yamaqlar iki qatlıdır. Bu yamaqların bir üzü bağırsağa yapışmasına mane olan xüsusi bir təbəqə ilə örtülüdür. Bu tərəfi qarın içində qalacaq şəkildə yamaq yerləşdirilsə, sadəcə o halda problemsiz və müvəffəqiyyətli bir bərpa həyata keçirilə bilər. Yüksək texnologiya ilə istehsal edilən bu yamaqların etibarlı olması və toxumalara uyğun quruluşla malik olmaları müsbət cəhəti, yüksək qiymətləri isə  mənfi cəhətidir. “Dual layer” və ya “kompozit” deyilən bu yamaqların qiymətləri ölçülərinə və formalarında görə 700-1500 AZN arasında dəyişir.

Açıq metod ilə bərpa edildikləri zaman  kiçik diametrə sahib olan kəsik yeri yırtıqlarında standart yamaqlar güvənlə istifadə edilir. Çox böyük ölçülü yırtıqlarda mütləq kompozit yamaqlardan istifadə edilməlidir. Böyük yırtıqlarda kompozit yamaqdan istifadə yerinə, qarın divarının qarşı-qarşıya gəlib bağlanması üçün gərdirmək və ya standart ucuz yamaq qoymaq çox risklidir. Yırtığın yenidən açılmasına səbəb ola bilər.

Kəsik yeri yırtıqları acıq və ya bağlı metodla bərpa edilir. Bağlı metodla bərpa edilən böyük/kiçik bütün kəsik yeri yırtıqlarında kompozit yamaqdan istifadə edilir. Çünki burada yamaq qarnın içinə yerləşdirilir: Intra peritoneal onlay mesh -IPOM. Bu metod ilə qarın divarının bütün nahiyələrinin içəridən müayinə edilməsi və əgər varsa, bütün zəif nöqtələri örtəcək ölçüdə bir yamaq ilə yırtıqların hamısının içəridən bağlanması şansı vardır. Buradakı tək problem, yamağın qiymətidir, yamağın qiyməti yüksək olduğuna görə əməliyyatın maliyyəti də yüksəkdir.